Universidade de Vigo e Instituto de Investigación Biomédica (IBI)
O seu traballo céntrase nos nanomateriais e na nanoquímica. Fabrican nanopartículas multifuncionais capaces de combinar a diagnose e o tratamento mediante a administración de fármacos ao organismo ou con propiedades sensoras que permitan facer diagnose de tecidos ata a escala molecular, o que faría posible detectar o cancro ou o alzhéimer en fases moi incipientes.
A súa liña máis recente de investigación é a dos nanorreactores, partículas que se poden introducir nunha célula e activalas para que actúen sobre ela de xeito programado, por exemplo, liberando fármacos.
